Դեպի վեր

Արդարադատության նախարարը Համաշխարհային բանկի ներկայացուցիչների հետ քննարկել է երկուստեք հետաքրքրություն ներկայացնող հարցեր

02/04/2016

Հայաստանի Հանրապետության արդարադատության նախարար Արփինե Հովհաննիսյանն այսօր ընդունել է Համաշխարհային բանկի պատվիրակությանը:

Նախարարը ՀԲ ներկայացուցիչների հետ քննարկել է Նախարարության գերակա ծրագրերն ու դրանց կարողությունների զարգացմանն ուղղված ֆինանսական օժանդակության հնարավորությունները:

Արփինե Հովհաննիսյանը կարևորել է Համաշխարհային բանկի հետ ունեցած փոխգործակցությունը, ինչպես նաև ՀԲ աջակցությամբ իրականացվող ծրագրերի հաջող ընթացքը:

Արդարադատության նախարարը Համաշխարհային բանկի գործընկերներին է ներկայացրել Նախարարության համար առաջնահերթություն համարվող մի շարք ծրագրեր՝ Պրոբացիոն ծառայության հետագա զարգացում, ՀՀ ԱՆ «Իրավաբանական ինստիտուտ» և «Փորձագիտական կենտրոն» ՊՈԱԿ-ների, Անձնական տվյալների պաշտպանության գործակալության տեխնիկական կարողությունների զարգացում և այլն:

Համաշխարհային բանկի ավագ տնտեսագետ Միգարա դե Սիլվան շնորհակալություն է  հայտնել ընդունելության համար, կարևորել արդարադատության ոլորտում իրականացվող բարեփոխումներն ու հնարավորության սահմաններում ներկայացված ոլորտներին աջակցություն տրամադրելու պատրաստակամություն հայտնել:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն