12/01/2018
Անդրադառնալով նոր ռազմավարության տեսլականին՝ Սուրեն Քրմոյանն առանձնացրել է 3 հիմնական կետ՝ կանխարգելման բլոկ, որը ներառելու է պետություն-մասնավոր համագործակցության կանոնակարգում և պետական համակարգում համատարած էլեկտրոնային գործիքակազմի ներդրում՝ բացառելով կոռուպցին ռիսկերը, իրավապահ բլոկ, որը ներկայանալու է կոռուպցիոն հանցագործությունների քննման անկախ և արդյունավետ համակարգով, ինչպես նաև կրթության ու հանրային իրազեկվածության բլոկ, որը ներառելու է հակակոռուպցիոն համատարած հանրային իրազեկման քարոզարշավ:

10/01/2018
Պետական մարմինների կողմից կայքում տեղադրված նախագծերի թիվը նախորդ տարում գերազանցել է 600-ը, որից 25-ը ներկայում գտնվում է հանրային քննարկման փուլում, իսկ կայքում մշտական գրանցված օգտատերերի թիվը հասել է ավելի քան 10 հազարի: Հատկանշական է, որ e-draft.am կայքի միջոցով իրավական ակտերի նախագծերի վերաբերյալ առաջարկությունները շատ հաճախ ներկայացնում են դատավորները, բարձրագույն ուսումնական հաստատությունների ամբիոնի վարիչները, դասախոսները, փաստաբանները, ուսանողները, քաղաքացիական հասարակության ներկայացուցիչները, ինչը վկայում է կայքի՝ իր նպատակին ծառայելու մասին:

20/12/2017
Եվրոպացի գործընկերների խնդրանքով արդարադատության նախարարն անդրադարձել է նաև դատաիրավական բարեփոխումներին, մասնավորապես, դատական համակարգի անկախության ամրապնդմանն ուղղված մեխանիզմների ներդրմանը, ինչպես նաև ներկայացրել է հակակոռուպցիոն ոլորտում իրականացված աշխատանքները:

19/12/2017
Նախարարի տեղակալ և Գործողությունների ծրագրի համակարգող Վիգեն Քոչարյանը, ողջունելով հանդիպման մասնակիցներին, ներկայացրել է քննարկման օրակարգը և նշել, որ յուրաքանչյուր կիսամյակի ավարտին նմանօրինակ հանրային քննարկումները կրելու են պարբերական բնույթ՝ որպես պետական մարմինների կողմից իրագործված ծրագրի մշտադիտարկման և կառավարություն-քաղաքացիական հասարակություն երկխոսության ապահովման գործիք:

19/12/2017
Նախարար Հարությունյանը ողջունել է ԵԱՀԿ/ԺՀՄԻԳ ներկայացուցչին, բարձր գնահատել ՀՀ արդարադատության նախարարության և միջազգային կառույցի համագործակցությունն ու առավել արդյունավետ և հասարակության համար տեսանելի արդյունք ապահովող ծրագրեր իրականացնելու պատրաստակամություն է հայտնել:

11/12/2017
Կայքի միջոցով ապահովվում է ինչպես պետական մարմինների կողմից իրավական ակտերի նախագծերը հանրությանը ներկայացնելու և առցանց տարբերակով հանրային քննարկումներ կազմակերպելու հնարավորությունը, այնպես էլ քաղաքացիական հասարակության ներկայացուցիչների ակտիվ մասնակցությունը՝ իրականացվող օրինաստեղծ աշխատանքներին:

06/12/2017
Նախարար Հարությունյանը շնորհակալություն է հայտնել իրավապաշտպանին սերտ համագործակցության համար և գործընկերոջ խնդրանքով անդրադարձել «ՀՀ ընտանեկան օրենսգրքում լրացումներ և փոփոխություններ կատարելու մասին» ՀՀ օրենքի նախագծի մի շարք կարգավորումներին:

05/12/2017
«Երեխաների համար արդարադատության մատչելիության ապահովման նպատակով կայուն համագործակցություն» ծրագրի շրջանակում կազմակերպված միջոցառմանը մասնակցել են դատավորներ և դատախազներ:

01/12/2017
Դավիթ Հարությունյանը կարևորել է Արդարադատության նախարարության մշակած ՀՀ ընտրական օրենսգրքում և մի շարք հարակից օրենքներում փոփոխություններ և լրացում կատարելու մասին նախագծերը, որոնց ընդունման արդյունքում հնարավոր կլինի առավել արդյունավետ պայքար մղել ընտրությունների և հանրաքվեի ընթացքում վարչական ռեսուրսի չարաշահման դեպքերի բացառման ուղղությամբ:

01/12/2017
Սուրեն Քրմոյանը, ողջունելով ներկաներին, կարևորել է նման ձևաչափով քննարկումները և ընդգծել, որ անձնական տվյալների պաշտպանությունը ՀՀ կառավարության ուշադրության կենտրոնում է: Ըստ Ս. Քրմոյանի՝ Կառավարությունը, ընդունելով նոր օրենք, քաղաքական կամք է դրսևորել այս ոլորտը կանոնակարգելու ուղղությամբ:

27/11/2017
Նախարար Հարությունյանը բարձր է գնահատել միջազգային հեղինակավոր կազմակերպության՝ GRECO-ի հետ համագործակցությունն ու կարևորել կառույցի դերը՝ Հայաստանի հակակոռուպցիոն ոլորտում լրջագույն բարեփոխումներ իրականացնելու հարցում:

27/11/2017
Նախարար Հարությունյանի խոսքով, կոռուպցիայի դեմ պայքարը պարզունակ ծրագիր չէ, և եթե չփոխվի հանրային իրավագիտակցումը, ապա ամենալավագույն ձևակերպումները կմնան թղթի վրա՝ որպես բարի ցանկություններ: Դավիթ Հարությունյանի համոզմամբ, կոռուպցիայի դեմ պայքարում հաջողելու հարցում մեծ է միջազգային հեղինակավոր կազմակերպությունների դերը: Այս առումով նախարարը կարևորել է Եվրոպայի խորհրդի Կոռուպցիայի դեմ պայքարի պետությունների խմբի (GRECO) հետ համագործակցությունը և նշել, որ այն լրացուցիչ խթան է հակակոռուպցիոն ոլորտի շարունակական բարեփոխման և օրենսդրությունը միջազգային չափանիշներին համապատասխանեցնելու առումով: